पाप केरऽ फल | अंगिका कहानी | डॉ. (श्रीमती) वाञ्छा भट्ट शास्त्री
Pap Kerow Phal | Angika Story । Dr. (Smt.) Vanchha Bhatta Shastri
कुछ साल पहिले हम्में अपनऽ भाय करेऽ साथ भागलपुर केरऽ जोगसर महल्ला में रहे छे लिये, दुमहला मकान छेलऽ । वही कचहरी में कर्मचारी के पद पर नौकरी करे छेलिये । मकान बहां बाड़ेऽ छेले । नीचे वाला मकान एकटा निस्पिटर के रिाया पर दे देलऽ छेलिये । निपिटर केरऽ बिहा नांय भेलऽ छेले । बगल में एकटा मियां जी रहे छेला, हुन्हीं मुर्गी बहुत पोषलऽ छेला । मुर्गी केरऽ अंडा बेची के अपनऽ जीवन यान करे छेला । मुर्गी दिन भर हिन्ने-हुन्हे से दाना चुनी बिछी के पेट भरी ले छेली । सांझ होते घऽर आबी जाय छेली । मियां जी गिनती करी के सब के घरऽ में ढुकाय ले छेल निस्पिटर केए मनऽ में पाप ढुकले अपनऽ घरऽ के बाहर दाना छिटी दे छेला । मुर्गी जबे दाना चुनते-चुनते ओकरऽ द्वारी पर आवे ते एकटा कम्बल झांपी दे छेला । आरो मांस बनाय के खाय जाय छेला शनिचर के शनिचर एक मुर्गी मारे छेला । मियां जी हल्ला गुल्ला करी के रही जाय छेला । निस्पिटर उलटे मियां जी पर धौंस देखाबे तोरऽ मुर्गी हमरऽ द्वारी पर आबी के गंदा करे छै । अपनऽ मुर्गी ठीक से राखड । ई तरह से मियांजी केरऽ सभे मुर्गी खतम होय गेले, थोड़ऽ बहुत जो बचले बेची-बिकनी के खतम करी ढेलकऽ मजदूरी करी के जिये लागलऽ निस्पिटर साहब रिटयर्ड होय गेला । अपनऽ धडऽ मथुरा में छेलहें, वहीं चलऽ गेला । हम्में घुमते-घामते मथुरा पहुँचलीये, हुन्खा से मिले वास्ते हुन्खऽ घऽर गेलिये । देखे छी पलंगऽ पर बैठलऽ छथ बगलऽ में बैशाखी रखलऽ छै । पुछला पर कहलकात ई सब वेई मियां केरऽबद दुआ छिकऽ । जेकरऽ मुर्गा- मुर्गी जबानी में हम्मे खाय गेलऽ छेलिये । रिटायर्ड, भेला केरऽ बाद गाड़ेऽ में कैंसर होय गेलऽ, जेकरा चलते एक गाड़े कटवावे ले पड़लऽ । कहे केरऽ मतलब छै कि भगवान से न्याय कबे आरो कौन रूपऽ में मिलते एकरा कोय नांय जाने ले पारै छै । ई अनुभव कई केरऽबातछिके ।
No comments:
Post a Comment
Note: Only a member of this blog may post a comment.