जहाँ धर्म छै, वहीं विजय | अंगिका कहानी | डॉ. (श्रीमती) वाञ्छा भट्ट शास्त्री | Angika Story | Dr. (Smt.) Vanchha Bhatta Shastri

जहाँ धर्म छै, वहीं विजय | अंगिका कहानी  | डॉ. (श्रीमती) वाञ्छा भट्ट शास्त्री
| Angika Story  | Dr. (Smt.) Vanchha Bhatta Shastri 

एक धर्मात्मा राजा छेलात, एक दिन हुन्का पास एक फकीर पहुँचलऽ । फकीर दानी राजा से कहलकऽ अपने 12 बारह साल के लेलऽ राज्य दे दे, चाहे अपन धर्म दे दे । राजां ने कहलका, धर्म ते नांय देभों । राज्य हमरऽ लै ले । राजा अपनऽ राज पाट फकीर के दै देलका । अपने वनऽ में चलऽ गेला । वहाँ हुनका एकरा जनानी मिलल्हे, राजा के बतैलकी हम्में राज कुमारी छिंका । शत्रु हमरऽ पिता के मारी देलकऽ राज कुमारी के कहै से राजा दोसरऽ राजा केरऽ नगर में रहना पसंद करलका जब भी राजा के कोय चीज केरऽ कमी होय छेल्हें राजकुमारी पूरा करी दै छेली । दोसरऽ राजय केरं राजा, ई राजा से मिललऽ दोनऽ में मित्रता होय गेलऽ । एक दिन त्यागी राजा ने राज्य करै वाला से कहलका कि अपने आरो अपने केरऽ हमरा घऽर खाना केरऽ न्योता छोंऽ सभे अचरजऽ मं पड़ी गेलं । वेमाय, जेकरा पास कुच्छु नांय छै, वू आदमी राज दरवार में न्योता देलऽ छै । की खिलैते ? राज कुमारी कहलकी अपने न्योता ते दै देलऽ छऽ व्यवस्था होय जैथों । सब व्यवस्था होता गेला । सेना सब भरी भरी पेट खैलकऽ । राजा सहभोज करवाल का त्यागी राजा के बड़ा आश्चर्य भेलेन्ह, राजकुमारी से पुछलका तोहें सब व्यवस्था कैसे करल्हुऽ ? राजकुमारी कहलकी अपने हिसाब लगाय के देखी लहऽ, तोरऽ दान दै केरऽ समय पूरा होय गेलै, आज 12, बारह साल पूरा होय गेल्हों अबे अपनऽ राज्य जाय के सम्भालऽ । राजा ने कहल का हम्में तोरा साथ लैके जाबऽ । तोहे संकट के समय में मदद करलऽ छऽ । राज कुमारी कहलकी, तोहें अपनऽ राजय सम्भालऽ, हम्में जनानी नांय छिकां, हम्में धरम छिकियै । एक दिन तोहें अपनऽ राज पाट छोड़ी के हमरा बचालऽ छेल्हऽ । ऐसे से हम्में भी तोरा मदद करलिहोंऽ । जे धर्म केरऽ रक्षा करै छै । वेहे विजय भी होय छै । एकरा वास्तें धर्म के गहराई से देखै ले पड़ते ।

टुटलौ कटोरी | अंगिका कहानी संग्रह | डॉ. (श्रीमती) वाञ्छा भट्ट शास्त्री

Tutlow Katori | Angika Story Collection | Dr. (Smt.) Vanchha Bhatta Shastri