जेन्हऽ मिलै छै शिक्षा वहे रंऽ बनै छै चरित | अंगिका कहानी | डॉ. (श्रीमती) वाञ्छा भट्ट शास्त्री
| Angika Story | Dr. (Smt.) Vanchha Bhatta Shastri
स्वामी विवेकानन्द (नरेन्द्र) केरऽ बचपन केरऽ घटना छिकै । हुन्ही वू समय छऽ साल केरऽ लगभग छेला । जबे अपनऽ मित्र के साथ चैत संक्रान्ति में होय वाला शिव पूजा केरऽ उत्सव देखै ले गेलऽ छेला । मेला से माटी केरऽ बनलऽ मूर्ति महादेव केरऽ लै के आय रहलऽ छेला । साँझ होय वाला छेले, अंधार होप गेलऽ छेले । नरेन्द्र आगु छेला आरो मित्र पीछु छेले, तभिये पीछु से तेज गति में घोड़ा गाड़ी आबी रहलऽ छेले । मित्र के कोय ध्यान नांय छेले मस्ती में आबी हरलऽ छेलै । जबे पीछु घुरी के नरेन्द्र देखलका घोड़ा केरऽ गौड़ मित्र केरऽ देहऽ पर पड़हीं वाला छेलै, रास्ता में जाय वाला राहगीर जोड़ से चिलैले, तइयो केकरे समझ में नांय आबी रहलऽ छेले कि की करलऽ जाय नरेन्द्र केरऽ हाथऽ में शिव केरऽ मूर्ति छेल्हें, तुरंत मूर्ति के नीचे राखलका आरो तेजी से दौड़ी के पकड़लका मित्र हक्का बक्का देखे लागलऽ । घोड़ा गाड़ी तेजी से पार होय गेले । सड़कऽ पर बहुत आदमी जमा गेले, आरो नरेन्द्र के धन्यवाद दिये लागले । आरेऽ हुन्कऽ तारीफ करे लागलै । आज अपनऽ मित्र केरऽ जान बचाय लेल्हऽ नरेन्द्र के तारीफ केर कोय असर नांय पड़ल्हेन, हुन्हीं शिव केरऽ मूर्ति उठाय के अनजान सरीखे अपनऽ घऽर चलऽ गेला । रोज अपनऽ माय के दिन भर केरऽ घटना सुनाबै छेला । माय भी ध्यान सुनै छेली । आज वाला घटना भी सुनैलका, बेटा तोहें जे काम करले भले आदमी केरऽ काम छिकै । तोहें अपनऽ जीवन में भलाई केरऽ काम करै केरऽ कोशिश करीहे । माय केरऽ शिक्षा से नरेन्द्र करेऽ जीवन में जबरदस्त प्रभाव पड़ लेन्ह । आगे चली के स्वामी विवेकानन्द के रूप में विश्व में प्रसिद्ध भेला । स्वामी जी परवर्ती काल में जे ज्ञान मिल लेनह ज्ञान केरऽ भंडार अपनऽ माय केरऽ शिक्षा देलऽ मानै छथ, माय हुन्का रोज धर्म, भलाई आरऽ उपकार केरऽ शिक्षा दै छेली । वर्तमान में सफलता कमाबै के लेलऽ किताबी ज्ञान केरऽ महत्व ज्यादा महसूस करलऽ जाय रहलऽ छै । लेकिन ई बात भी ध्यान में रखै के छै कि पढ़ाई अपनऽ उपयोगिता छै । व्यवहारिक रूप में मानव जीवन केरऽ गढ़ छै । ओकरऽ महत्व बहुत ज्यादे छै । एन्हऽ शिक्षा में व्यक्ति जीवन में सफल होबे करै छै । आरो समाज केरऽ एक नया रास्ता भी बनै छै ।
टुटलौ कटोरी | अंगिका कहानी संग्रह | डॉ. (श्रीमती) वाञ्छा भट्ट शास्त्री
Tutlow Katori | Angika Story Collection | Dr. (Smt.) Vanchha Bhatta Shastri
No comments:
Post a Comment
Note: Only a member of this blog may post a comment.